د حکومت د اقتصادي او پرمختیايي پروګرامونو په پوښښ کې د رسنیو د رول
سلما احمدزی- رسنۍ د ژوند په ټولو برخو کې ډېر مهم رول لري، په ځانګړې توګه د حکومت د اقتصادي او پراختیايي پروګرامونو په انعکاس او د خلکو د باور په زیاتولو کې. که رسنۍ په رښتینولۍ، امانتدارۍ او شفاف ډول معلومات خپاره کړي، نو د خلکو باور به لا پیاوړی شي.
خبریال صبغت سادات په اړه يي وایی:«د رسنیو تیرو فعالیتونو ته اوسني فعالیتونو ته په هره برخه کی او د اقتصاد برخی ته ځانګړی برخه لرو.رسنی د اقتصاد ودی لپاره مهم رول لوبوی.رسنی د یو هیواد اقتصادی ستونزی او ننکونی تر حکومتي چارواکو رسوی.
او د حکومت اقتصادي فعالیتونه تر نړیوالو او خلکو پوری رسوی.چی له دی سره د هیواد اقتصادلویه ته لویه جنبه ورکوی.که رسنی ته په آزاده توګه فعالیتونو ته احازه ورکړل شی.
او دوی ته په آزادانه ډول سره معلومات ورکړل شی کولی شی اقتصادی برخی د ګڼو سازمانونو دی ته ژمن کړی.چی راشی په اوسنیو شرایطو کی د هر هیواد وی د هغوی په اقتصاد کی خورا مرسته وکړی.»
د رسنیو چارو مبصرصلاح الدین قاری زاده ویژه روز ته وویل:«رسنۍ باید د حکومت د اقتصادي او پراختیايي پروژو په اړه د خلکو نیوکې، غوښتنې او غږ په رښتینې او بې پرې توګه منعکس کړي.
هر څومره چې رسنۍ دغه پروګرامونه په روښانه، واضح او شفاف ډول تر پوښښ لاندې راولي، هماغومره به د حکومت د اغېزمنتیا، خدمتونو او خلکو ته د ژمنتیا په اړه د خلکو باور او اعتماد زیات شي.»
نوموړی زیاته کړه :«هر څومره چې رسنۍ خپله ملي او مسلکي دنده په دې برخه کې په ښه توګه ترسره کړي، هماغومره به د حکومت او خلکو ترمنځ واټن کم شي، خلک به له خپل حکومت سره ډاډمن شي، مثبت ذهنیت به رامنځته شي او د حکومت له پروګرامونو او پراختیايي چارو سره به په ښه توګه همکاري وکړي.»
د رسنیو چارو یو بل مبصر مومن امیني وویل:«رسنۍ د دولت د څلورم ځواک په توګه یادیږی. او د معلوماتو رسولو او عامه پوهاوي د یوې باوري سرچینې په توګه ډېر مهم رول لري.
هغه کسان چې په رسنیو کې د پروګرامونو د جوړولو مسئولیت لري، باید مسلکي کسان وي، ترڅو وکولای شي د شفاف او رښتیني اطلاع رسونې له لارې د خلکو اړتیاوې او نظرونه انعکاس کړي او د حکومت پر عمراني او اقتصادي پروژو اغېزمن څارنه وکړي.
په دې توګه رسنۍ کولای شي د خلکو او حکومت ترمنځ د خبرو اترو، تفاهم او همغږۍ لپاره یوه پیاوړې اړیکه رامنځته کړي، چې په پایله کې یې د خلکو او حکومت ترمنځ متقابل باور او اعتماد پیاوړی شي.»
بلخوا ذبیح الله حیدري د رسنیو چارو یو بل مبصر بیا وایی:« رسنی په اقتصادی او عمرانی فعاليتونو برخه کی مهم رول لری.او د اقتصادی پروژو په عملي کولو او اړونده نهادونه هغه که حکومت یا غیر حکومتي وی،کولی شی جلا رول ولری.
کولی شی فکري بستر رامنځ ته کړی. د روانی او ټولنیز پلوه خلک تیار کړی،اقتصادي پروژی په پلي کولو کی مرسته وکړی.»
نوموړب زیاته کړه:« رسنی د خلکو او حکومت تر مینځ اړیکه ټینګوي.کله جی ځینی ستونزی شتون ولری.یا هم مخالفتونه شتون ولری.رسنی په دی حالت کی کولی شی چی د قناعت برخه کی مهم رول ولوبوي.
او ټولنیز اجماع منځ ته راوړی.او کولی شی پر پروژو نظارتي رول ولری او ښه همکاری له حکومت سره ولری.حکومت یواځی نشی کولی, رسنی له لاري کو لی شی نظریات خپل نورو سره شریک کړی.،او د پروژو په پلی کولو کی ونډه ولری.»
په پایله کی رسنی د خلکو او حکومت ترمنځ د باور جوړونی کې مهم رول لري. که رسنۍ خپلې دندې په رښتینولۍ، شفافیت او مسلکي اصولو ترسره کړي، د حکومت اقتصادي او پراختیايي پروګرامونه به په سمه توګه خلکو ته ورسېږي، د خلکو غوښتنې او ستونزې به مسؤلو ادارو ته انتقال شي، او د حکومت او ولس ترمنځ به د باور، همکارۍ او متقابل تفاهم فضا نوره هم پیاوړې.
پای
