د اسلامي امارت د بیا واک رسیدو د کلیزې په درشل کې؛ د کابل اړسیدونکی د اقتصاد ښه کېدو او کارموندنې غوښتنه کوی
سلمااحمدزی- د زمري میاشتی ۲۴ د اسلامي امارت د بیرته واک ته رسېدو د کلیزې په رانږدې کېدو سره، د کابل ښار یو شمیر اوسېدونکي په تېرو پنځو کلونو کې د رامنځته شویو بدلونونو ته په اشارې، د اقتصادي ستونزو د حل او د بېکارۍ د کچې د راکمولو لپاره د حکومت پر لا زیاتې پاملرنې ټینګار کوي.
دوی د امنیت ټینګښت یو مثبت لاسته راوړنه ګڼی، خو د دوامدارو کاري فرصتونو د رامنځته کولو لپاره د عملي پروګرامونو غوښتنه کوي.
د کابل ښار اوسېدونکي د تېروپنځو کلونو د بدلونونو په اړه بېلابېل نظرونه لري.
که څه هم ډېری اوسیدونکي د امنیت له نسبي ښه والي څخه خوښي دی، خو د اقتصادي وضعیت او د کاري فرصتونو د کمښت په اړه اندېښنه د ټولو ستونزه ده.
کابل اوسېدونکې ندا شریفي، د،ویژه روز ته وویل: «زموږ په ژوند کې په تېرو پنځو کلونو کې په اقتصادي، ټولنیزو او امنیتي برخو کی پراخ بدلونونه راغلی،خو له حکومت څخه غواړم چی تولو لپارت کاری فرصتونه برابر کړی.»
د کابل ښار یوه بله اوسیدونکی حسنیه، وایی چی د دی دوری تر تولو لویه لاسته راوړنه امنیت دی او زما غوښتنه دا ده چې د حکومت او خلکو تر څنګ یو داسې خوندي افغانستان ولرو چې هوساینه او ارامي پکې وي.
بلخوا ، د کابل ښار اوسېدونکي کریم، وویل: «په تېرو پنځو کلونو کې د افغانستان د خلکو، په ګډون زما د ژوند، شاهد د ګڼو بدلونونو و چې ځینې یې مثبت وو او ځینې له اقتصادي ستونزو او د کاري فرصتونو له کمښت سره مخ وو.
زما تر ټولو مهمه غوښتنه دا ده چې د اقتصادي وضعیت ښه والي او د کاري فرصتونو رامنځته کولو ته جدي پاملرنه وشي، څو د بېکارۍ کچه صفر ته راټیټه شي، هېڅوک د کډوالۍ په فکر کې نه شي او وکولای شي د خپل هېواد لپاره خدمت وکړي.»
په ورته وخت کابل یوې بلې اوسېدونکې نازو، ویژه روز ته وویل:« په دې کلونو کې، په ځانګړي ډول د دې دورې په وروستیو کې، د ډېرو ودانیزو چارو شاهدان یو. هر ځل چې کابل ښار ته راځم، د دغه ښار نوې څېره وینم.»
دا په داسی حال کی ده چې د ۲۴ اسد د رارسېدو هم مهاله، د اسلامي امارت د پنځه کلنې دورې د کړنو په اړه شننې هم پیل شوې دي.
ښاریان په داسې حال کې د امنیت په څېر لاسته راوړنې مثبتې ارزوي چې لا هم د اقتصادي بحران د حل، د بېکارۍ د کمولو او د هېواد د ابادۍ د بهیر د دوام پر اړتیا ټینګار کوي او له مسؤلینو څخه په دې برخو کې د مشخصو او عملي پروګرامونو تمه لري.
پای
