ویژه روز-نن دمئ دريمه ورځ په نړۍ کې د مطبوعاتو د ازادۍ د نړيوالې ورځې سره برابره ده ارزګان ميشتي د رسنيو مسولين وايي له زياتو اقتصادي ستونزو سره مخ دي او که پام ورته ونه شي رسنۍ به يې سقوط شي.
دا دارزګان په اطلاعات او فرهنګ رياست کې د افغانستان د ژورنالستانو د ملي اتحادي لخوا په همدي مناسب جوړه شوي غونډه ده چې د ځايي رسنيو د مسولينو او خبريالانو ترڅنګ ددي ولايت چارواکو هم پکښي ګډون کړي دی.
ددي ولايت د سيمه ييزو رسنيو مسولين وايي له يو نه جبران کيدونکي اقتصادي ستونزو سره مخامخ دي رسنيز کارکوونکي يې له دندو ګوښه کړي او محدود شمير ورسره په وړيا ډول په دندو بوخت دي.
په دي ولايت کې دوه سيمه ييزو رسنيو مسولين بريالۍ انصاري او خان محمد سيال انديښمن دي او زياتوي که پاملرنه ورته ونه شي رسنۍ به يې وتړل شي.
بریالی انصاري:«موږ په تيرو ختونو کې ۲۴ کسان کارکوونکي درلوده خو موږ نه شوه کولايي چې يادو کسانو ته معاشونه ورکړو بیا مو ليري کړه اوس يو څو کسان راسره سته هغه هم ټوله په وړيا ډول کار کوي ځکه ټول مصارف زموږ په وس نه دي پوره.»
خان محمد سيال:«موږ په مالي برخه کې ډير زيات ستونزې لرو ځکه د رسنۍ کارکوونکي زموږ څخه معاشونه غواړي او موږ دومره معاشونه نه لرو کله چې کارکوونکي کميږي زموږ خپرونې ورسره کميږي او رسنيز فعاليتونه مو کم کيږي.»
ددي ولايت خبريالان وايي چې معلوماتو ته د لاس رسۍ په برخه کې د تير په پرتله اوس ستونزې حل شوي دي خو زياتوي چې مالي ننګوني ددي لامل شوي چې يو شمير خبريالان هم خپلو دندو ته شاه کړي.
ارزګان ولايت کې سيمه ييز خبريال اجمل وصال يې به اړه وايي:«معلوماتو ته لاسۍ يو څه ښه سوي دی پر وخت معلومات رسنيو ته ورکوي خو يوه ستونزه سته چې هغه مالي بحران دي دغه مالي بحران ددي لامل کيږي چې خبريالان دغه مسلک ته شاه کړي.»
بلخوا په دغه جوړه شوي غونډه کې ددي ولايت ځاي مسولين وايي دامهال معلوماتو ته د لاس رسۍ په برخه کې په بشپړ ډول ستونزې حل کړي دي او هڅې کوي ترڅو د رسنيو اقتصادي ستونزې هم د بیلابیلو لارو حل کړي.
داپه داسي حال کې ده چې تردي مخکي هم په دي ولايت کې د رسنيو مسولينو د خپلو اقتصادي ستونزو څخه شکايتونه کړي وه.
پای
